Thursday, February 6
Shadow

ਹੋਲੀ ਹਾਰਟ ਸਕੂਲ ਵਿੱਚ ਬੜੇ ਹੀ ਧੂਮਧਾਮ ਨਾਲ ਮਨਾਇਆ ਗਿਆ “ਮਾਂ ਦਿਵਸ”

Share Please

ਮੋਗਾ(ਪ੍ਰਵੀਨ ਗੋਇਲ): ਮੋਗਾ ਜ਼ਿਲੇ ਦੀ ਪ੍ਰਮੁੱਖ ਅਤੇ ਪ੍ਰਸਿੱਧ ਵਿੱਦਿਅਕ ਸੰਸਥਾ ਹੋਲੀ ਹਾਰਟ ਸਕੂਲ ਦੇ ਚੇਅਰਮੈਨ ਸ੍ਰੀ ਸੁਭਾਸ਼ ਪਤਲਾ ਜੀ ਅਤੇ ਪ੍ਰਿਸੀਪਲ ਸ਼ਿਵਾਨੀ ਅਰੋੜਾ ਜੀ ਦੀ ਅਗਵਾਈ ਹੇਠ ਸਕੂਲ ਵਿੱਚ ਮਾਂ ਦਿਵਸ ਦਾ ਪ੍ਰੋਗਰਾਮ ਆਯੋਜਿਤ ਕੀਤਾ ਗਿਆ| ਇਸ ਦੌਰਾਨ ਬੱਚੇ ਬਹੁਤ ਹੀ ਉਤਸ਼ਾਹਿਤ ਸਨ ਉਨ੍ਹਾਂ ਨੇ ਵਧ-ਚੜ੍ਹ ਕੇ ਹਰ ਇਕ ਗਤੀਵਿਧੀ ਵਿੱਚ ਹਿੱਸਾ ਲਿਆ| ਬੱਚਿਆਂ ਵੱਲੋਂ ਆਪਣੀਆਂ ਮਾਤਾਵਾਂ ਲਈ ਬਹੁਤ ਹੀ ਸੁੰਦਰ ਸੁੰਦਰ ਕਾਰਡ ਬਣਾਏ ਗਏ ਅਤੇ ਉਨ੍ਹਾਂ ਨੂੰ ਸਮਰਪਿਤ ਗਾਣੇ ਤੇ ਡਾਂਸ ਵੀ ਕੀਤਾ ਗਿਆ| ਛੋਟੇ-ਛੋਟੇ ਬੱਚੇ ਰੰਗ ਬਿਰੰਗੇ ਕੱਪੜਿਆਂ ਵਿੱਚ ਬਹੁਤ ਸੁੰਦਰ ਲੱਗ ਰਹੇ ਸਨ| ਸਾਰੀਆਂ ਮਾਤਾਵਾਂ ਬੱਚਿਆਂ ਨੂੰ ਦੇਖ ਕੇ ਬਹੁਤ ਖੁਸ਼ ਸਨ| ਸਾਰੇ ਸਕੂਲ ਦਾ ਮਾਹੌਲ ਬਹੁਤ ਹੀ ਆਨੰਦਮਈ ਸੀ|

ਸਕੂਲ ਅਧਿਆਪਕਾਵਾਂ ਵੱਲੋਂ ਦੀ ਆਉਣ ਵਾਲਿਆਂ ਮਾਤਾਵਾਂ ਦਾ ਬੈਚ ਲਗਾ ਕੇ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ ਅਤੇ ਬਹੁਤ ਹੀ ਵਧੀਆ ਤਰੀਕੇ ਨਾਲ ਉਨ੍ਹਾਂ ਨੂੰ  ਥੀਏਟਰ ਰੂਮ ਵਿੱਚ ਬਿਠਾਇਆ ਗਿਆ| ਜਿੱਥੇ ਪਹਿਲਾਂ ਤੋਂ ਹੀ ਬਹੁਤ ਸਾਰੀਆਂ ਤਿਆਰੀਆਂ ਕੀਤੀਆਂ ਗਈਆਂ ਸਨ ਮਾਂ ਦਿਵਸ ਨੂੰ ਪ੍ਰਮੁੱਖ ਦੇਖਦੇ ਹੋਏ ਆਉਣ ਵਾਲੀਆਂ ਮਾਤਾਵਾਂ ਦੇ ਮਨੁਰੰਜਨ ਲਈ ਬਹੁਤ ਸਾਰੀਆਂ ਖੇਡਾਂ ਦਾ ਪ੍ਰਬੰਧ ਕੀਤਾ ਗਿਆ ਜਿਸ ਵਿੱਚ ਮਾਤਾਵਾਂ ਵੱਲੋਂ ਵੀ ਵੱਧ-ਚੜ੍ਹ ਕੇ ਹਿੱਸਾ ਲਿਆ ਗਿਆ| ਖੇਡਾਂ ਦੇ ਨਾਂ ਇਸ ਪ੍ਰਕਾਰ ਹਨ ਜਿਵੇਂ ਕਿ ਤੰਬੋਲਾ ਗੇਮ, ਬਿੰਦੀ ਗੇਮ, ਸੇਫਟੀ ਪਿੰਨ ਗੇਮ, ਅਤੇ ਹੋਰ ਵੀ ਬਹੁਤ ਸਾਰੀਆਂ ਖੇਡਾਂ ਦਾ ਆਯੋਜਨ ਕੀਤਾ ਗਿਆ| ਜਰੇਕ ਗੇਮ ਵਿਚ ਜਿੱਤਣ ਵਾਲੀ ਮਹਿਲਾ ਨੂੰ ਇਨਾਮ ਦੇ ਕੇ ਸਨਮਾਨਿਤ ਕੀਤਾ ਗਿਆ| ਇੰਨਾ ਹੀ ਨਹੀਂ ਸਗੋਂ ਹੋਰ ਵੀ ਕਈ ਤਰੀਕੇ ਦੇ ਇਨਾਮ ਦੇ ਕੇ ਉਨ੍ਹਾਂ ਨੂੰ ਸਨਮਾਨਿਤ ਕੀਤਾ ਗਿਆ| ਪ੍ਰੋਗਰਾਮ ਦੌਰਾਨ ਅਧਿਆਪਕਾਵਾਂ ਵੱਲੋਂ ਕੁਝ ਰੋਚਕ ਪ੍ਰਸ਼ਨ ਪੁੱਛੇ ਗਏ ਅਤੇ ਸਹੀ ਜਵਾਬ ਦੇਣ ਤੇ ਉਨ੍ਹਾਂ ਨੂੰ ਇਨਾਮ ਦਿੱਤਾ ਗਿਆ|

ਸਿਲਸਿਲਾ ਇੱਥੇ ਹੀ ਖਤਮ ਨਹੀਂ ਹੁੰਦਾ ਸਕੂਲ ਵਿੱਚ ਮੌਜੂਦ ਚੀਫ ਗੈਸਟ ਸ਼੍ਰੀ ਮਤੀ ਕੁਲਵੰਤ ਕੌਰ ਜੀ ਵੱਲੋਂ ਮਾਂ ਤੇ ਸਮਰਪਿਤ ਕੁਝ ਸਤਰਾਂ ਬੋਲੀਆਂ ਗਈਆਂ ਅਤੇ ਪੰਜਾਬੀ ਵਿਰਸੇ ਨਾਲ ਜੁੜੀਆਂ ਕੁਝ ਬੋਲੀਆਂ ਵੀ ਗਾਈਆਂ ਗਈਆਂ, ਜਿਸ ਨੇ ਪੂਰੇ ਮਾਹੌਲ ਨੂੰ ਹੋਰ ਵੀ ਰੌਚਕ ਬਣਾ ਦਿੱਤਾ ਅਤੇ ਸਾਰੀਆਂ ਮਾਨਤਾਵਾਂ ਦੇ ਨਾਲ-ਨਾਲ ਅਧਿਆਪਕਾਵਾਂ ਨੇ ਵੀ ਬੋਲੀ ਦੀ ਤਾਲ ਤੇ ਗਿੱਧਾ ਪਾਇਆ| ਡੀ ਜੇ ਲਗਾ ਕੇ ਡਾਂਸ ਵੀ ਕੀਤਾ ਗਿਆ| ਸਾਰੇ ਹੀ ਮਹਿਮਾਨ ਬਹੁਤ ਖੁਸ਼ ਸਨ| ਪ੍ਰਿੰਸੀਪਲ ਮੈਡਮ ਸ਼ਿਵਾਨੀ ਅਰੋੜਾ ਜੀ ਵਲੋਂ ਸਾਰੇ ਮਹਿਮਾਨਾਂ ਦੇ ਖਾਣ-ਪੀਣ ਦਾ ਪ੍ਰਬੰਧ ਵੀ ਕੀਤਾ ਗਿਆ| ਪ੍ਰੋਗਰਾਮ ਦੇ ਅੰਤ ਵਿੱਚ ਸਾਰੀਆਂ ਮਾਤਾਵਾਂ ਵਲੋਂ ਇਹਨਾਂਮਾਨ ਸਨਮਾਨ ਦੇਣ ਲਈ ਪ੍ਰਿੰਸੀਪਲ ਜੀ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ|

ਅਤੇ ਸਕੂਲ ਵਿੱਚ ਹੀ ਬਣੇ ਸੈਲਫੀ ਕਾਰਨਰ ਤੇ ਫੋਟੋਆਂ ਕਰਵਾਈਆਂ ਗਈਆਂ ਅਤੇ ਇਸ ਪਲ ਨੂੰ ਹਮੇਸ਼ਾ ਲਈ ਯਾਦਗਾਰੀ ਬਣਾ ਲਿਆ ਗਿਆ| ਇਸ ਮੌਕੇ ਤੇ ਪ੍ਰਿੰਸੀਪਲ ਅਸ਼ਵਨੀ ਅਰੋੜਾ ਜੀ ਚੀਫ ਗੈਸਟ ਡਾਇਰੈਕਟਰ ਪਰਮਜੀਤ ਕੌਰ ਪਤਲਾ ਜੀ, ਸ਼ਰੇਆ ਪਤਲਾ ਜੀ, ਮੈਡਮ ਸੁਨੈਨਾ ਜੀ, ਕੁਲਵੰਤ ਕੌਰ ਜੀ ਅਤੇ ਗਲੋਬਲ ਇੰਸਟੀਚਿਊਟ ਦੇ ਪ੍ਰਿੰਸੀਪਲ ਮੰਜੂ ਮਲਹੋਤਰਾ ਜੀ ਅਤੇ ਹੋਰ ਸਮੂਹ ਟੀਮ ਮੈਂਬਰ ਮੌਜੂਦ ਸਨ|

291 Comments

Leave a Reply

Your email address will not be published. Required fields are marked *

Call Us